SHILLONG: Meghalaya a·doko COVID-19-ko man·giparang salantian batroroengahani gimin a·doko obostarang namjabatrorobaengaha ine Sukrobar salo, Congress dolni dilgipa Ampareen Lyngdoh suk ong·gijaniko parakataha.
Iani bidingo kobor ra·timgipa manderang baksa agangrikengon, batanggimin konta 24-ni gisepon sak 627 manderang COVID-19-ko man·dape sak 12 manderang siangdapahaniara namen kenjagokna nangani ong·engaha ine Lyngdoh parakataha.
April ja bijangchi dipetan Meghalaya a·doko COVID man·e dongenggiparang sak 4000 batengaha ine janapatengon, official-rangni see mesokani gitade da·o dipet a·doko oxygen baksa palangrang ge 387-san dongaia aro ianoni ge 197-kode COVID-19 man·e bilongbatenggipa manderangna on·enga ine Congress MLA parakataha.
Meghalaya a·doko COVID-ko man·e dongenggipa sak 4000 manderangna ge 397 oxygen donggipa palangrangara namen chu·ongjaenga aro ian namen kenchakna nangani somoi ong·enga ine Lyngdoh parakataha.
May 13 tarikona kingking Meghalaya a·doko COVID man·ani 17.5 percent ong·aniara namen dukni ong·enga ineba Lyngdoh parakataha.
“Angni chanchiani gitade an·chingni a·doko iandake COVID giprorogen ine a·dok sorkari chanchisoa dongjachimkon. Da·o obostarang namjabatroroengahani gimin mai dakode namgen uamang chanchina changjaengaha,” ine Congress MLA parakataha.
Sabisiko champengsona ja·kuko de·anio sorkari chanchina changjaha ine janapatengon, da·on epidemic department-ni gita dakgipa dolrang baksa agangrike a·doko COVID-ni giproroaniko champengna nangengaha ine Lyngdoh parakataha.
“An·ching, Delhi, Maharashtra aro Andhra Pradesh a·dokrango ong·a gita obostangko ong·na nisengna nangjawaha. India a·songara dal·begipa a·song ong·ani gimin an·ching gipin a·dokrango ong·a obostarangko nie ta·raken ja·kuko de·samsona nanga,” ine Lyngdoh aganaha.
Sabisi giprorobatenggipa biaprango sorkari, MLA-rang aro sorkari official-rang baksa ta·raken tom·aniko ong·atna nanga ineba ua ku·pattianiko on·angaha.
M’laya a·doko obosta namjabatroroenga ine Cong MLA suk ong·gijaniko paraka
Date:
Share post:
