Contractual skigiparangko ra·galani a·sel SGH-o dam 26 skulrangko chipe donenga

 

TURA: Meghalaya sorkarini ge·etanio pangchake contractual skigiparangko ra·galani ja·man uamangni biapo skigiparangko rakkidapkujaengani a·sel South Garo Hills a·jao dam 26 lower primary skulrang ka·na man·gija dongtokenga ine Garo Students Union (GSU) Mindikgre regional unit-ni president Greneth M Sangma parakataha.

Iani bidingo South Garo Hills a·jani Deputy Commissioner-na sedoatengon, ia skulrango contractual teacher ong·e kam ka·enggipa skigiparangko ra·galani ja·man uamangni biapo gipin skigiparangkoba kamo donatskakujaenga aro ia skul nokrangko taridapna gitaba sorkari da·onan tangka paisarangko chame on·kujaenga ine GSU Mindikgre unit-ni president matnangataha.

“South Garo Hills a·jao mitam skul nokrangde obosta namsrangjahani gimin skulkon chipna nangao ga·akpilengaha. Iandakgipa obostako nikengoba sorkari aro Education department, da·onan skul nokrangko taridapna tangka paisarangko chamatkujaenga,” ine Sangma parakataha.

GSU president-ni parakatani gitade, contractual skigiparangko ra·galani ja·man uamangni biapo gital skigiparangko rakkidapkujae chipe donna nangenggipa skulrangara, Rompa Asim Government LP School, Darit Asim Government LP School, Chramgre Government LP School, Warima Government LP School, Tolegre Government LP School, Tebilgre Government LP School, Rongsu Rongrogittim Government LP School, Rongsu Rongwak Government LP School, Mon Rongsinagre Government LP School, Rongsu Agal Government LP School, Mon Bangamgre Government LP School, Mahadeo Warma Government LP School. Ampangdamgre Government LP School, Eman Durabanda Government LP School, Darengsagre Government LP School, Darenggre Government LP School, Chutmang Hangsapal Governemt LP School, Nanilgre Government LP School, Taidang Government LP School, Pasgao Government LP School, Rongchol Wachol Government LP School, Karawengre Government LP School, Sawekolgre Government LP School, Mongmabel Government LP School, Rompa Songmong Government LP School aro Rongmarekmanggre Government LP School-rang ong·a.

Get real time updates directly on your device, subscribe now.

Comments are closed.