Tuesday, February 11, 2025
spot_img

Golmalko namatnade dingtang dingtang cholrangko ra·na nangaigen: CM

Date:

Share post:

spot_img
spot_img

GUWAHATI: Ru·utbea bilsirangna Assam aro Meghalaya a·dokni sima arirango meligrikanirangko namatna gitade dingtang dingtang cholrangkoba ra·na nangaigen ine Sukrobar salo Meghalaya a·dokni Chief Minister Conrad K Sangma parakataha.
A·dok damgnini gisepo meligrikgijanirangko namatna gita a·dok damgnini sorkarirang asonge agangrikengon, ‘on·a-ra·a’ dakgipa bewalkode gelna nanggen ine adita salrangna skang a·dokni Opposition Congress dol aganahani gimin a·dokni Chief Minister, ia kattarangko aganskaaha.
“Ia meligrikgijaniko namatna gitade an·ching lekkarangosan pangchake dongna man·jawa maina an·ching lekkarangko mesokode Assam-ba apsan daken lekkarangko mesokaigen aro uandaken ia meligrikgijaniko namatchipna man·jawa,” ine Sangma aganenba, a·dok damgnini gisepo meligrikgijaniko namatna gitade ‘on·a-ra·a’ dakgipa bewalkoba ja·rikna nangaigen ine parakataha.
Meghalaya Chief Minister-ni aganani gitade, kakketrangko sandiani ja·man a·dok damgnini gisepo meligrikgijanirangko namatna gita a·dok damgnini chief minister-rangan, dingtang dingtang cholrangko ra·na ku·rachakgrikaha.
Assam a·dok baksa ‘on·a ra·a’ dakgipa bewalo songgigrikjachina gita Meghalaya sorkariko didiangengon, “Assam a·doksa Meghalaya a·doko napdrana jotton ka·enga indiba Meghalaya-ni manderangde Assam-o napdraenga ong·ja. Assam a·dok baksa ‘on·a-ra·a’ dakgipa bewalo songgigrikgenchimode Meghalaya a·doksa a·arangko gimaatna nange noksan ong·batgipa ong·gen,” ine adita salrangna skangsan Congress MLA parakatahachim.
Re·baenggipa 2022 bilsio Meghalaya a·dokni bilsi 50 gapaniko manina skang sima arirango meligrikgijanirangko namatna man·genma ine sing·on, “Mikkang bilsio Meghalaya a·dok bilsi 50 gapaniko manina siengani gimin una skang simarangko name tarina man·genchimode nambatgenchim. Indiba angni agangimin gitan ia kamara altua ong·jawa indiba chinga ka·donge jotton ka·e nikugen,” ine Meghalaya Chief Minister parakataha.

spot_img
spot_img

Related articles

World leaders, CEOs, scientists from 100 countries attend AI summit

Paris, Feb 10: Major world leaders are meeting for an AI summit in Paris, where challenging diplomatic talks...

Trump serious about making Canada 51st state

Washington, Feb 10: President Donald Trump said he is serious about wanting Canada to become the 51st state...

‘Op Devil Hunt’ sees 1,300 arrests in B’desh

New Delhi, Feb 10: Bangladesh’s security forces have arrested over 1,300 individuals till Monday in a major crackdown...

Salman Rushdie’s attempted murder trial begins

Mayville, Feb 10: Lawyers began delivering opening statements Monday at the trial of the man charged with trying...