Dorphang, POCSO-ni raiko dingtangatchina HC-o mol·mola

SHILLONG: Saksa bilsi sokkugijagipa me·chik bi·sako drae til·ekani gimin bilsi 25-na pattoko chipatchina Ri-Bhoi-ni POCSO court-ni rai on·gipani kosako gitcham MLA  Julius Dorphang, Meghalaya-ni High Court-o mol·molaniko dakeaha.
Uni kosako rai on·gipako dingtangatchina gita ua, Sombaro Meghalaya HC-o mol·molaniko dakeaha.
Indakeba u·iata je, mol·mole segipa lekkao adita chona gualani dongani gimin, uni mol·molaniko HC-o segatkuja, indiba Butbaro dakgnirangko matchotatgen.
Ia dorgastoko uni lawyer Kishore Ch Gautam, Sombaro Meghalaya High Court-o on·eaha.
Bilsi sokkugijagipa me·chik bi·sako til·ekani gimin, Nongpoh-ni POCSO court, lak 15 dai gamatan baksa bilsi 25-na Dorphang-ko pattoko chipatchina gita re·anggipa August 24 tariko rai on·ahachim.

Get real time updates directly on your device, subscribe now.

Comments are closed.