Opp, Cattle Bill-na apsan kam ka·china party gimikko mol·mola

SHILLONG: Oppositioin Congress, Assam sorkarini pass ka·gipa Assam Cattle Preservation Bill 2021-ko jegalatenba ia Bill-ara Meghalaya-ni manderangni fundamental rights-ni niamko pe·a gita ong·a ine matnangaha.
Oppositon Congress Mongolbar salo House-o ‘a·doko cha·rongbewalgipa cha·ani aro matchu be·enko palna champengani bidingo agangrikangaha.
Opposition leader, Mukul Sangma, chanchirimanio bakko ra·e indine aganaha, “article 19 a·songni gimik manderangna fundamental rights-ko on·a. Meghalaya sorkari, Cattle Preservation Bill-ni gimin janapate ma·mongna sedoatna nanga ine mol·molaha.
Una skang Congress-ni a·gipi MLA Charles Pyngrope-ba indine aganaha, “Meghalaya-oni matchu badinggiparangko Assam-o kragija daka aro Khanapara-o konta 24 somoina rim·e donani obostako nikna man·aha, jeni a·sel Byrnihat police station-o FIR segataha.”
Uandake opposition memborrang, North East-ni political party-rangko ia Act-ni kosako apsan melie kam ka·na mol·molataha.
East Shillong-oni MLA Ampareen Lyngdoh-ba ong·gimin obostana suk ong·gijako parakate “Assam iandakgipa kragija dakanirangko dontongna nanggen aro a·doko sorkari, iandakgipa obostarangko champengna aro a·dokni manderangni namgnina legislation-ko ra·bana nanggen” ine aganaha.
Indake ong·engon Chief Minister Conrad Sangma, chanchirimanio bak ra·e indine aganchakaha, “iani bidingo Assam Chief Minister baksa name talen agangrikaha aro Assam-oniko matchu badinganio nangnikgipa permission ba ra·chakanirangko on·na aganaha.”
Uandake Animal Husbandry and Veterinary Minister, Sanbor Shullai, cattle bill-ni gimin Assam-ni Chief Minister Himanta Biswa Sarma-na ia mamlako nirokatchina chiti seataha. Aro a·doko matchu be·enni dam bariani giminba Shullai chanchirimanio janapaha.

Get real time updates directly on your device, subscribe now.

Comments are closed.