TURA: Bang·gija salrangna skang ICAR-KVK, West Garo Hills-ni gita, do·oe jile cha·ani bidingo Gambegre Block-ni ning·ogipa Dilnigre songo mingsa programko ong·atenba skie on·anga, jeon Dilnigre, Dilniamgre aro Nengja Bolchugre songni manderang bakko ra·angaha.
Programo bakko ra·gipa sak 66 manderangna, dingtang dingtang do·ongrangko jilani, bi·sa pe·atani aro biapni kri maidakgipa do·orangko jilna nanga uarangni bidingo skie on·aha. Program ong·atani somoio tom·anio bakko ra·gipa song damgittamni manderangna, KVK mang 450 Kuroiler do·orangko suale on·angaha.