SBI, Jengjal-o ATM-ko kuliata

TURA: Garo Hills a·jana SBI, da·al 51-gipa ATM-ko a·bachengate on·aha. Rongram blokc-ni Block Development Office Mrs. Shelley Momin, SBI, Tura-ni Regional Manager Mr. Dharmananda Banai aro gipin official-rangni dongpaanio, Sonibalr salo Jengal-o ATM-ko oprakate on·aha.
Tura-Williamnagar-Guwahati junction highway-o donggipa SBI Jengjal branch sepango ATM-ko kuliataha. Ian adita ru·uta sal somoirangoni chagronggipa neng·nikaniko bon·atgnok. Manderang, ATM dongjani a·sel adita neng·nikako man·tokachim.
Uandake tom·anio bakko ra·e Mr Banai, SBI-ni mikkangchiba Kharkutta, Mendipathar, Williamnagar, Rongkhon, NEHU campus, Tetengkol aro Tura Hawakhana-oba ATM-ko kulina miksonganiko parakataha. SBI, Garo Hills-ni manderangna banking-o altubatatna miksongenga ineba Mr Banai aganaha.