M’laya-o sak 65 COVID man·dapa, sak 1 siangtaia

 

SHILLONG: Sombar saloni Mongolbar salona konta 24-ni gisepo Meghalaya a·dok gimiko sak 65 manderang COVID-19 man·daptaiaha aro apsan salon a·doko mande sak 1 COVID man·e siangskaaha.

Konta 24-ni gisepo COVID-19 man·dapgipa sak 65 manderangko channe da·o Meghalaya a·dok gimiko COVID-19 man·e dongenggiparang gimik sak 740 ong·engaha aro ia apsan salon mande sak 1 COVID-19 man·e siangdaptaiahani gimin a·dok gimiko COVID man·e sianggiparangara gimik sak 1439 gapskaengaha.

Konta 24-ni gisepo COVID man·gipa sak 65 manderangoni, sak 1-de East Garo Hills-o, sak 43-de East Khasi Hills-o, sak 1-de North Garo Hills-o, sak 2-de Ri Bhoi a·jao, sak 1-de South Garo Hills-o, sak 2-de West Garo Hills-o, sak 6-de West Khasi Hills aro sak 9-de West Jaintia Hills a·jao ong·a.

Salsani gisepo COVID man·e sianggipa mande saksade East Garo Hills a·jao ong·a.

Ia apsan salon gimik sak 101 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 80,900 gapskaengaha.

Get real time updates directly on your device, subscribe now.

Comments are closed.