Khasi Hills regional committee-ni report-ko Nov 30 tariko on·gen

 

SHILLONG: Assam aro Meghalaya a·dokni simarango meligrikna man·jaenggipa biaprangoni damdok biaprangko skanggipa bako a·dok damgnian namatna gita kamrangko ka·engon, ia biaprangni gimin Khasi Hills regional committee-ni gita am·sandiani report-ko re·baenggipa November 30 tarikni gisepon on·gnok ine Meghalaya a·dokni PHE Minister aro Khasi Hills regional committee-ni chairperson Renikton Lyngdoh Tongkhar parakataha.

“Chinga report-rangko tariengaha aro November 30 tarikni gisepon sorkariona sokatna ka·dongenga,” ine Tongkhar parakataha.

Skanggipa bako ia regional committee-ni dilgiparang, Tarabari, Gizang aro Hahim jolrangona re·ange am·sandianirangko dakangahachim ine nikna man·a.

Ia songrangona re·ange songni manderang baksa agangrikanio uamang chu·ongnikaniko man·aha ineba Tongkhar parakataha.

Committee-ni sandie man·gipa kamrangko talate on·na jechakengon, “Chingni report-rang manderangni nangnikani gitan  ong·gen aro anga bebera·a chingni report-o a·dok damgnian chu·ongnikaniko man·gen,” ine a·dokni PHE Minister parakataha.

Khasi Hills-ni regional committee-o PHE Minister baksana jolni MLA-rang, chong·motan Macmillan Byrsat, Gigur Myrthong aro Kimfa Marbaniang-ba membor ong·engachim.

Get real time updates directly on your device, subscribe now.

Comments are closed.