SHILLONG: Diltugipa biaprangona aro mongsongbate songadam nokadamrango donggipa health centre-rangona ta·rakbate samrangko sokate on·na man·na gita TechEagle company, Meghalaya sorkari baksa bakrime, Hybrid e-VTOL Drone-ko jakkalanggnok.
Ia TechEagle company-ara Gurugram-oni ong·a aro ia company, India a·songni skanggipa hybrid e-VTOL Drone-chi samrangko sokate on·na Meghalaya sorkari aro Smart Village Movement (SVM) baksa bakrimaha.
Ian diltugipa aro re·a doanio neng·nikanirangko man·gipa manderangna janggi jokatani samrangko sokate on·na ja·ku de·ani ong·enga.
Sorkari official-rangni u·iatani gitade, ia drone-ara kontaprako kilometre 90 ramako sokna man·gipa ong·a aro ia drone-o Nongstoin District Hospital-oni km 25 chel·ao donggipa Maweit PHC-ona minute 25 nanggijan samrangko sokatna man·aha.
Indake ong·engon, a·doko songdongenggipa manderangni namgnina ia drone-ko a·bachengatahani gimin a·dokni Chief Minister Conrad K Sangma, TechEagle company, SVM aro a·dokni Health department-ko mittelpilataha.
TechEagle company samrangko Hybrid e-VTOL Drone-chi sokate on·gen
Date:
Share post:
