SHILLONG: West Khasi Hills a·jao adita bilsirangna skangoni jatna ba songsalna dangdike on·enggipa United A·chik Youth Federation (UAYF), Central Executive Body (CEB) H.q. Rengdim-ni dilgiparang jolo songdongenggipa manderangni dingtang dingtang a·selrangchi neng·nike janggi tangengako nike batanggimin salgnina skangonin dingtang dingtang department-ni Minister In-charge-rangko gronge memorandum-rangko on·angaha.
Skanggipa bako Federation, apsan a·jani bang·bea songrangona dakangenggipa chobg·motan, Shallang-oni Khalu songona Rengdim gita tariangenggipa PMGSY rama-ko ru·utbea bilsirangna skangonin taria matchotchipgija galchipe donengani a·selo jolo janggi tangenggipa manderangna bang·a neng·nikanirangko on·engani gimin ia ramako ta·rakkale matchote taripiltaie on·china gita PWD (Road)-ni Minister, Shri. Prestone Tynsong-na memo on·angan baksa PWD (STDR) aro SRRDA (PMGSY)-ni Chief Engineer-koba gronge apsan memorandum-ko onangjolaha.
Ia ramako matchote tarie on·jaengani a·selsa jolo janggi tangenggipa manderang, bang·a neng·nikaniko man·enga. Jolni manderang an·tangni a·baoniko man·pagipako bajar antirangchi ra·ange pale-sule cha·anio rama namjani a·sel gari-gora re·gipa dongjae ja·achisa re·na nangani gimino neng·nikaniko man·engachim. Uasan ong·igija, sagipa ding·gipa mandeko hospital-rangchi ra·anganio, dingtang dingtang kamna sorkarini office-rangchi re·anioba rama jalang namjani a·selo gari gora dongjae namen neng·nikaniko chagrobgskaenga in UAYF H.q. (CEB)-ni General Secretary Shri, Zimichryst G. Marak koborna parakataha.
Apsandake, apsan somoion Shallang jolo salantian nangana batpile salo salo bijoli den·jringengani gimin, aro ja 9 (sku)-rangna skangonin Rengdim-ni wilwilao donggipa bang·bea songrangna bijoli watjaengani giminba Power Minister Shri, Prestone Tynsong-na dingtang dake memorandum-ko see on·angjolaha.
Shallang jolo aro uni wilwilao donggipa bang·bea songrangonaba bijolo watgija salantian salo salo bijolo den·enganichi bajal antio aro noktango bijolio pangchake misinni kamrangko ka·enggipana aro mongsongbate chatro-chatrirang online gita class ra·enggipana aro scholarship form rangko online gapatenggiparangna misinrangko challaina man·jaenganichi namen neng·nikaniko sokatskaenga ineba UAYF, Power Minister, Tynsongna aro MePDCL (Distribution)-ni Chief Engineer-ko gronge apsan memorandum on·ani somoio agan-talate on·enba, mikkangchi iarangko namatchina gitaba dabiangjolaha.
Bijoli, rama sorok, sana banani a·bako nirokatchina UAYF Sorkario dabia
Date:
Share post:
