SHILLONG: Meghalaya a·doko Inner Line Permit (ILP)-ko ra·gatchina dabienggipani bidingo da·onan maming aganchakanirangko on·kujaengani gimin Mawlai-ni Congress MLA PT Sawkmie, Union Home Minister Amit Shah-ko sing·doataha.
Meghalaya a·doko niam gri napsrukanirangko champengna dingtang dingtang dolrang, ILP-ko ra·gatchina gita dabitokengachim aro iana Meghalaya Legislative Assembly-oba dingtangmancha resolution-ko ra·manahachim.
Indake ong·genchimoba, Meghalaya a·doko ILP-ko ra·gatani bidingo ma·mong sorkari da·onan maming aganchakanirangko on·kujaengani gimin Congress MLA, Union Home Minister-ko sing·doataha.
“Meghalaya a·doko ILP-ko ra·gatchina dabienggipani bidingo maini gimin Union Home Minister, maming aganchakanirangko on·jaenga, chinga ma·sina sikenga,” ine Sawkmie aganaha.
ILP-ko ra·gatchina dabienggipani bidingo ta·raken aganchakaniko on·china dabiangengon, Armed Forces (Special Powers) Act (AFSPA)-ko Nagaland a·dokonikosan ong·aigija salgro salaramni pilak a·dokrangonikon chu·gimik ra·galatchina gitaba Congress MLA dabiangaha.
Salgro salaram a·dokrango ra·gatgipa AFSPA-ko ra·galpilani bidingo kamrangko niroke ka·na gita ma·mong sorkari, sakbonga membor donggipa committee-ko songna tik ka·angani ja·man Sawkmie, ia AFSPA-ko salgro salaramni pilak a·dokrangonikon ra·galatchina dabiangaha.
 |
ReplyForward
|