Congress-oni katgipa MLA-rangni kosako ja·ku de·na AICC sengkuenga

 

SHILLONG: Congress doloni ong·kate All India Trinamool Congress (AITC)-o napanggipa sak 12 MLA-rangni kosako maming ja·kurangko de·na gita Meghalaya Legislative Assembly-ni Speaker-ba jechakahani gimin da·o ia MLA-rangni kosako ja·kuko de·na gita All India Congress Committee (AICC), Meghalaya Pradesh Congress Committee (MPCC)-ni president Vincent Pala-ni report-na sengengkua ine u·iataha.

Meghalaya a·dokko nirokenggipa AICC-ni in-charge Manish Chatrath-ni Mongolbar salo parakatani gitade, da·o dipet iani bidingo MPCC-ni president aro CLP-ni dilgipa chanchirimengkua aro Congress doloni katgipa MLA-rangni kosako ja·kuko de·na gita uamang ia antini gisepon una report-ko on·anggen.

“Ia obostani bidingo chinga ja·kuko de·na nangkuenga ong·ode chinga de·aigen,” ine Chatrath aganaha.

Congress doloni ong·kate AITC-o napanggipa sak 12 MLA-rangni kosako ja·kuko de·ani bidingo Congress dolni dilgiparang, bilsi gitalko maniani ja·man chanchirimgen ine parakatahachim.

Ia MLA-rangni kosako ja·kuko de·na gita CLP-ni dilgipa Ampareen Lyngdoh-de jechakskaahachim ineba nikna man·a.

Mongolbar salo, a·dokni Congress dilgiparang, AICC baksa internet gita tom·aniko ong·atangenba, election-na kamrangko ka·soani bidingo chanchirimangahachim.

Congress doloni ong·kate AITC-o napanggipa MLA-rangni kosako ja·kuko de·ani pal doltangni kamrangni giminan gisikko on·batchina gitaba Lyngdoh, MPCC-ni president-ko didiangaha.

“Ia somoio an·ching iandakgipa kamrangni gimin gisik on·batana bate an·tangtangni kamrangna gisik on·batode nambatgen ine anga MPCC-ni president-ko ku·pattina nangnikenga. Election-ni somoion an·ching uamangko manderangni seokanichi warachakna man·gen,” ine CLP-ni dilgipa Lyngdoh parakataha.

Get real time updates directly on your device, subscribe now.

Comments are closed.