B’desh-ona badingsrukangenggipa bosturangko BSF rim·a

TURA: Re·anggipa Budbar salo, Meghalaya Frontier-ni ning·o donggipa Silbari Border Outpost (BOP)-ni BSF sipairang, Garo Hills-oniko Bangladesh a·songona badingsrukangenggipa ma·manti bosturangko South Garo Hills a·jani simao rim·rikna man·aha.
Batanggimin somoirangoba iandake a·song damgnini simarango ma·manti bosturangko niam gri badingsrukaniko BSF dolni sipairang nirikkienba, rim·na man·ahachim aro apsan daken Budbar saloba BSF dolni sipairang, Bangladesh a·songona badingsrukangenggipa ba·ra kancha aro nonga sitani bosturangko rim·rikna man·aha ine u·iataha.
BSF dolni rim·rikgipa bosturangni damranga komibeoba lak 22-mangni ong·achim ine BSF official-rang parakataha.
Ia bosturangko ja·mano BSF official-rang, Customs official-rangni jako pakwate on·ataha.

Get real time updates directly on your device, subscribe now.

Comments are closed.