Ma·mong sorkarini ‘Amrit Kaal’-ko M’laya-ni ‘Meghalayan Decade’ baksa nangrimatna miksongenga: CM

 

SHILLONG: India sorkarini ‘Amrit Kaal’-ko Meghalaya a·dokni ‘The Meghalayan Decade’ baksa meliatna miksonganirang donga ine Mongolbar salo, ma·mong sorkarini budget-ko pass ka·angani ja·man, Meghalaya a·dokni Chief Minister Conrad K Sangma parakataha.

“Bilsi 10-ni gisepo Meghalaya a·dokkoba a·songo nambatsranggipa dam 10 a·dokrangoni damsa ong·atna chingni nikjumange kam ka·anio ma·mong sorkarini budget-oba dingtangmancha chadamberangna, me·chikrangna aro game ge·e cha·giparangna cholrangko on·ani donga,” ine Chief Minister aganaha.

Ia bilsini budget-na Union Finance Minister Nirmala Sitharam-ko mittelpilangengon, re·anggipa bilsini December jao Budget-ni gimin chanchirimanio, Finance Assistance Scheme-ni ning·o a·dokrangna tangka paisa chamaniko bariatchina mol·molaniko ma·mong sorkari knachakaha aro ia bilsini gisepon Meghalaya a·dokba gong kror 100-ko man·dape namgniko man·gnok ine Chief Minister parakataha.

Bilsi 50-na sud gri gong kror lak 1-ni loan-ko a·dokrangna on·dapengahani gimin ian Meghalaya a·dokoba sajinmani somoirango economy-ko tang·doe rakkina dakchakani ong·gnok ineba Sangma aganaha.

A·bachengo gong kror 1500-ko chame, chadamberangna aro me·chikrangna janggi tangani cholrangko on·na gita PM-DevINE (Prime Minister’s Development Initiative for North East)-ko North Eastern Council (NEC) gita ra·gatgnok ineba Chief Minister parakataha.

Get real time updates directly on your device, subscribe now.

Comments are closed.