COVID-19: Sak 211 man·dapa, sakgni sia

SHILLONG: Mijalo Sukrobar salni bako Meghalaya a·doko sak 211 manderang COVID-19 sabisiko man·daptaiaha, aro sak 375 gipinrang sabisioni nampilskaaha. Unomitingo sakgni manderang COVID sabisini a·sel uamangni janggirangko mijal salni bako gimaataha.
Indake Sukrobar salo COVID man·dapgipa sak 211 manderangoni, East Garo Hills-o sak 3, East Jaintia Hills-o sak 3, East Khasi Hills-o sak 88 Eastern West Khasi Hills-o sak 5, North Garo Hills-o sak 12, Ri-Bhoi-o sak 17, South Garo Hills-o sak 3, South West Garo Hills-o sak 3, South West Khasi Hills-o sak 6, West Garo Hills-o sak 54, West Jaintia Hills-o sak 13 aro West Khasi Hills-o sak 4 Covid man·dapaha.
Mijal salni bako sak 375 manderang COVID-oni nampilaha, uamangoni East Garo Hills-o sak 6, East Jaintia Hills-o sak 3, East Khasi Hills-o sak 190 Eastern West Khasi Hills-o sak 9, North Garo Hills-o sak 17, Ri-Bhoi-o sak 34, South Garo Hills-o sak 9, South West Garo Hills-o sak 11, South West Khasi Hills-o sak 2, West Garo Hills-o sak 82, West Jaintia Hills-o sak 10, West Khasi Hills-o sak 2.
COVID-19 sabisini a·sel mijal salni bako East Khasi Hills-o saksa aro West Garo Hills district-o saksa gimik sakgni manderang uamangni janggirangko gimaataha.
Meghalaya a·doko Covid sabisiko man·giparang mijalona gimikchide sak 92,021 gapangaha, uamangoni sak 88,644 manderang sabisioni an·sengpilaha aro sak 1,538 manderang sabisio siangaha. Covid man·giparang a·dodoko da·oba sak 1,839 dongkuenga.
Meghalayao da·o dipet 1,839 active case-rang dongkuenga uamangoni East Garo Hills-o sak 34, East Jaintia Hills-o sak 32, East Khasi Hills-o sak 758, Eastern West Khasi Hills-o sak 59, North Garo Hills-o sak 47, Ri-Bhoi-o sak 142, South Garo Hills-o sak 39, South West Garo Hills-o sak 83, South West Khasi Hills-o sak 70, West Garo Hills-o sak 446, West Jaintia Hills-o sak 90 aro West Khasi Hills-o sak 39 dongkuenga.

Get real time updates directly on your device, subscribe now.

Comments are closed.