Cong-ko MDA-o rimnapani gimin BJP da·al chanchianggen

SHILLONG: A·doko dingtang dingtang party-rangni bakrime rikenggipa NPP-ni re·dilgipa MDA sorkario Congress-ko rimchaksoani bidingo State BJP-ni Core Committee, Sukrobaro tom·e chanchianggen.
Tom·anio, BJP Meghalaya in charge, M Chuba Ao-ba dongpagen, jean chanchirimanio bakko ra·na gita Shillong-ona re·baenga.
BJP-ni core Committee-ni tom·anio, a·dokni sakgni BJP MLA Sanbor Shullai,  AL Hek mang baksana State president, Ernest Mawrie-ba dongpagen.
Indake ong·engon, “chanchirimaniko dakani ja·mansan, ia mamlarangni bidingo chingni chadenganiko talatna man·aignok,” Ao aganaha.
State BJP-o da·omitngo bak ong·a gita dakenga, maina BJP State President, Ernest Mawrie, BJP-ni bakrimenggipa dolona Congress MLA-rangko rimnapaniko nangnikjaenga maina Congress-ara uamangni bobil ong·a, indakoba MDA sorkarini bimango Congress baksa kam ka·rimna maming neng·nikani dongja ine BJP-ni MLA sakgni Sanbor Shullai,  AL Hek mang ku·jokmanahachim.

Get real time updates directly on your device, subscribe now.

Comments are closed.