‘First Aid in Tourism’-ni bidingo workshop-ko MLCU ong·ata

SHILLONG: Sukrobar salo, National Safety Day-ko maniani bak gita, Martin Luther Christian University (MLCU)-ni Tourism & Travel Management Department, ‘First Aid in Tourism’-ni bidingo workshop-ko Shillong songjinmani Dr H Gordon Roberts Hospital baksa nangrime, MLCU campus-o ong·atangaha aro ia workshop-ko ong·atanio MLCU-ni chatro chatrirang aro university-o kam ka·enggiparangba bakko ra·angaha.
Ia workshop-ko ong·atanio, East Khasi Hills a·jani Additional DM&HO Dr Shibolleth Konglah, mongsonggipa sokgipa ong·e jinmana aganprakangengon, Tourism & Travel Management-ni chatro chatrirangna ‘First Aid’-ni bidingo skie on·na nangchongmota maina ian uamangni kamrango uamangko naljoke rakkina aro pilak nanggitikan somoirangoba tarie dongna dakchakgen ine parakangaha.
Ia workshop-ko ong·atanio Dr H Gordon Roberts Hospital-ni medical officer-rang aro nursing school-o kam ka·giparang, MLCU-ni chatro chatrirangna, first aid-ko on·ani bidingo skie on·angaha aro unbaksana Shillong-o donggipa tour operation group ‘Duia Trailblazers’-ni Founder Gerald Samuel Duia-ba kamrangko ka·anio a·sel ong·gnirangoniko naljoke rakkiani bidingo chatro chatrirangna agan-talate on·angaha.

Get real time updates directly on your device, subscribe now.

Comments are closed.