TURA: West Garo Hills a·jani Phulbari jolrango niam gri ro·ong quarry-rangko chalaienga ine koborko man·soa bakan Sombar salo, Forest department-ni manderang, ia biaprangona re·ange, ia ro·ong quarry-rangko chipe donatna a·bachengaha ine kobor on·aha.
West aro South West Range-ni DFO Rupankar Marak-ni parakatani gitade, Sombar salo Forest department-ni manderang, Phulbari jolo donggipa Chambakpara aro Dodanggre songrangona re·ange, niam gri chalaienggipa ro·ong quarry-rangko chipatna a·bachengaha aro ia quarry-rangko chalaienggipa manderangni kosako rakgipa ja·kurangko de·na a·bachengataha.
“Niam gri ro·ong quarry-rangko chalaianio jak donggipa manderangni kosako chinga rakgipa ja·kurangko de·enga aro ian quarry-rangko chalaina on·enggipa nokmarangkoba man·chapgen. MMDR Act 1957-o pangchake chinga iako kachariona pakwatatgen aro ia niam gri dakanio jak donggipa mande sakantikon rim·kujaskal chinga ia biaprango chalaienggipa ro·ong quarry-rangko sandiangkugen,” ine DFO parakataha.
MMMCR 2016 aro MMDR Act-ni bidingo manderangna mikrakataniko on·na gita Forest department, ia jolrango signboard-rangko see dongen ineba DFO parakataha.
“Songni nokmarangan songtangtangko nirokgiparang ong·e ia biaprangko chel·chakgiparang ong·na nangani gimin uamangna mikrakatanirangko on·na nangbatenga,” ine Rupankar aganaha.
Phulbari jolrango aro mongsongbate Chibinang-Bikonggre-Dadenggre ramao dam 500-na baten niam gri ro·ong quarry-rangko chalaienga ine jolni manderang badi ka·doangahachim ine nikna man·a.
Niam gri chalaienggipa ro·ong quarry-rangko Forest dept chadrapea
Date:
Share post:
