A·dokni gitcham Rajya Sabha MP a·gilsakko watanga

SHILLONG: Meghalaya a·dokni gitcham Rajya Sabha MP Robert Kharshiing, Bristibar pringni 10:00 bajimango, Shillong songjinmani Nazareth Hospital-o a·gilsakko watangaha.
Ua ru·utbea somoirangna sae dongani ja·man a·gilsakko watangaha.
Bilsi 63 ong·gipa Robert Kharshiing, 2002 bilsini April jaoni 2008 bilsini April jaona a·dokni Rajya Sabha MP ong·e dangdike on·angahachim.
Hospital-o siangani ja·man uni manggisiko, Lachumiere-ni Stephen Hall sambao donggipa uni nokona ra·angaha.
Uni siangani ja·man, Meghalaya a·dokni Chief Minister Conrad K Sangma aro dingtang dingtang dilgiparangba kalimpaaniko parakattokaha.

Get real time updates directly on your device, subscribe now.

Comments are closed.