Selsella-o niam gri ro·ong bikotenga ine NGO-rang badi ka·a

TURA: West Garo Hills a·jani Selsella jolo donggipa Ramdenggagre songo niam gri ro·ong quarry-ko kulienba, ia jolrango donggipa ro·ongrangko bikotenga ine Selsella-ni FKJGP aro ASWA parakatenba, ia biapo niam gri ro·ong quarry-ko chalaienggipa manderangni kosako ta·raken rakgipa ja·kurangko de·china dabiangaha.
Iani bidingo West Garo Hills a·jani Deputy Commissioner-na badi ka·e sedoatengon, ia biapo ru·uta bilsirangonin niam gri ro·ongrangko bikotengani a·sel samtangtango ong·telaigiparangna nangchakeaniko ra·baenga indiba ia biapo niam gri ro·ong quarry-ko chalaienggipa manderangni kosako maming ja·kurangko de·jaenga ine dolgni NGO-rang parakataha.
“Ramdenggagre songo ru·uta bilsirangonin niam gri ro·ong quarry-ko chalaiengani a·sel chingni samtangtango ong·telaigiparangna nangchakeaniko ra·baenga indiba ia manderangni kosako maming ja·kurangko de·jaenga. Uni gimin ia biapo niam gri ro·ong quarry-ko chalaienggipa manderangni kosako rakgipa ja·kurangko de·china chinga mol·molenga,” ine Selsella-ni FKJGP aro ASWA-ko dilenggipa manderang parakataha.

Get real time updates directly on your device, subscribe now.

Comments are closed.