HYC, simani bidingo soi ka·gipa MoU-ko nipiltaichina dabia

SHILLONG: Assam-Meghalaya interstate boundaries ba sima ario meligrikgijagipa biap damdokrango meligrikna Assam sorkari baksa soi ka·gipa MoU-ko Hynniewtrep Youth Council (HYC) sing·doataha. MoU-o 18.46 sq km a·a-ko Assam-na on·na janapaha, jekon bang·a organisation-rang jegaltokenga. MoU-o janapgipa a·ako Assam-na pakwatna skang NPP-ni dilengggipa MDA sorkari, a·ani nokgipa, Himas, Raids aro district council-o sing·a dongama ine sing·doaha.
“Constitutional provision-ni gita, a·ako on·na skang sorkari, a·ani nokgipa, Himas aro Raids baksa agangrikchengna nanga, ine HYC-ni general secretary Roy Kupar Synrem aganaha.
Right to Fair Compensation and Transparency in Land Acquisation-ni Section 41, Rehabilitation and Resettlement Act, 2013-ni gita, Meghalaya sorkari, tribal a·ako a·kangna skang a·ani nokgipa aro district council-o sing·chenge ra·na nangao ga·aka.
Una agreba Dorbar Shnong, Himas aro Raid- uamangni ra·chakaniko nanga.
“Indiba sorkari, Assam sorkari baksa MoU soi ka·na skang darang dilgiparang baksa agangrika dongja. Uni gimin Assam baksa soi ka·gipa MoU-ara niam ong·ja, ineba HYC-ni general secretary aganaha.
Iarangni gisepon MDA sorkari baksa bakrimgipa dolrang BJP, UDP, PDF aro HSPDP- uamangba MoU-ni gimin chanchipiltaina nangnikaniko agantokaha, ian namen jagokatgipa ong·a ine Synrem agandapaha.
Indake HYC, MoU-ko chanchipiltaina a·dok sorkariko mol·molataha.

Get real time updates directly on your device, subscribe now.

Comments are closed.