TMC-ni natl secy, M’laya-ona re·baenga

 

NEW DELHI: Re·baenggipa 2023 bilsio ong·atna sienggipa Meghalaya Assembly election-na Trinamool Congress (TMC)-ko bilakatsona man·na gita TMC-ni national secretary Abhishek Banerjee, re·baenggipa May 3 tarikoni salgnina Meghalaya a·dokona re·baenga ine kobor on·aha.

Banerjee-ni Meghalaya a·dokona re·baanio, a·dokni All India Trinamool Congress (AITC)-na dingtangmancha election-ni kamrangko tarie donangan baksana a·doko Opposition AITC-ko dilenggipa Mukul Sangma-koba grongangnaba gnang.

TMC-oni koborko on·ani gitade, Banerjee-ni Meghalaya a·dokona re·bana skang, Meghalaya a·dokko nirokenggipa TMC-ni Sabyashachi Dutta-ba Meghalaya a·dokona re·bae, dolni dingtang dingtang dilgiparangko gronganggen.

Re·baenggipa bilsion Assam-oba Assembly election-ko ong·atna siengani gimin Meghalaya a·dokni ja·mande TMC-ni dilgiparang, Assam-onaba re·ange TMC-ko bilakbatatna miksongenga ine kobor on·timgiparang parakataha.

Re·anggipa bilsio Meghalaya a·dokni gitcham chief minister Mukul Sangma-ni dilanichi Congress dolni sak 12 MLA-rang, AITC-o napangani ja·man, AITC dolan a·doko mongsonggipa opposition dol ong·skaengahachim ine nikna man·a.

Get real time updates directly on your device, subscribe now.

Comments are closed.