WGH-o MNREDA-ni Project Officer-ko ra·galna FKJGP dabitaia

SHILLONG: West Garo Hills district-o MNREDA Office-o Project Officer-ko niam gri rakkiaha, uko da·alonaba ra·galkuja, jekon skangon ra·galchina aganahachim ine FKJGP, Garo Hills Zone sorkarina gisik ra·attaianiko on·angaha.
Project officer Smti. Jawairiya Islam-ko ra·galchina gita re·anggipa Federation skang Apri 4 tarikon WGH DC-ni jako chitti on·manahachim ine FKGJP, Garo Hills Zone-ni general secretary Matsrang A. Sangma aganaha.
Officer-ko appoint ka·aniara niam gita ong·ja maina advertisement-kon maming local print aro electronic media-oba on·ja aro ‘office notice board’-oba on·ja, unbaksana sorkarini niam gita maming written aro personal interview-koba ra·an dongja ineba matnange aganaha. Jawairiya Islam-ko appoint ka·aniara criteria gita ong·ja ine aganan baksana Project Officer-de joltangni ku·sikko man·gipa ong·na nanga maina ua West Garo Hills district-ni dingtang dingtang biaprangona re·roroe project-rangko nirokna gita nanga, Federation aganaha.
Project officer-ko ra·galna kingking FKJGP Garo Hills Zone, Tura jrip dongjawa, maina uko rakkiani niam gitaba ong·ja ine aganan baksa pilakni namgnina, uko kamoniko ra·galna nanga ine Federation aganaha.

Get real time updates directly on your device, subscribe now.

Comments are closed.