CUET-ni bidingo KSU, a·dokni Education Minister-ko gronge agangrika

 

SHILLONG: University Grants Commission (UGC)-ni ge·etanio pangchake Meghalaya a·dokoba North Eastern Hill University (NEHU)-ni gita university-ni ning·o donggipa dingtang dingtang college-rango under graduate course-rangna ia 2022-23 bilsionin Common University Entrance Test (CUET) 2022-ko a·bachengatna tik ka·ahani gimin Khasi Students Union (KSU)-ni dilgiparang, a·dokni Education Minister Lahkmen Rymbui-ko gronge agangrikeaha.

KSU-ni parakatani gitade, under graduate course-ni chatro chatrirangna ia gital system ba bewalko ra·gataniara chatro chatrirangna namen neng·nikaniko ra·baani gita ong·engachim.

“CUET-ko a·bachengatanichi college-rango admission ra·na nangenggipa chatro chatrirang neng·nikanirangko man·gen ine nikenba chinga Education Minister baksa agangrikeaha aro ua chatro chatrirangni neng·nikanirangko komiatna ku·rachakataha,” ine Education Minister-ko grongeani ja·man, KSU Education Cell-ni chairman R Kharjana parakataha.

CUET-ko a·bachengatanichi chatro chatrirangni neng·nikanirangko maidakgipa ja·ku de·anichi komiatna miksongenga, uarangko talatchina gitaba uamang Education Minister-ko didiaha ineba Kharjana parakataha.

“Ian skanggipa changnasa ong·engani gimin ian chatro chatrirangna namgni ong·genma ma namgijaniko ra·bagenma name ma·sikujaenga. Uni gimin ia bewalko a·bachengatengon, chatro chatrirangni namgnina ja·kurangko de·chakatchina gita chinga Education Minister-ko didiaha,” ine KSU-ni dilgipa parakataha.

Indake ong·engon, CUET-ko a·bachengatanichi chatro chatrirang neng·nikanirangko man·genchimode man·a dipet sorkari, chatro chatrirangna dakchakaniko on·na ku·rachakataha ineba Kharjana parakataha.

Get real time updates directly on your device, subscribe now.

Comments are closed.