SHILLONG: Meghalaya a·doko joa kal·aniko niamo ong·atna gita sorkarini ja·ku de·aniko dingtang dingtang dolrang raken jegaltokengani gimin ia niamko ra·gatani bidingo Cabinet chanchitaipilna gita tik ka·angaha.
A·dokni Deputy Chief Minister Prestone Tynsong-ni parakatani gitade, joa kal·aniko niamo ong·atna manchianiko dingtang dingtang dolrang jegaltokengani gimin a·dokni Cabinet, iani bidingo chanchipiltaina tik ka·angaha.
“Chinga ia niamko ra·gatama ra·gatjawa chanchipiltaina tik ka·aha,” ine Tynsong aganaha.
Meghalaya a·doko kajina man·aniko bariatna miksonge sorkari, a·doko joa kal·aniko niamo ong·atna gita Meghalaya State Regulation of Gaming Act 2021-ko pass ka·angahachim indiba iani bidingo a·dokni toromko dilgiparang aro dingtang dingtang dolrangba sorkariko raken jegalgrimtokskaengachim.