Me·chikrangna Menstrual Hygiene Day-ko manianga

TURA: Sukrobar salo, Tura-ni Central Agricultural University (CAU)-ni ning·o donggipa Community Science College-ni gita dambe me·chik aro ja·delgimin me·chikrang baksa Menstrual Hygiene Day-ko West Garo Hills a·jani Gambegre block-ni ning·o donggipa Gimbilgre songo manidilangaha.
Me·chikrangni somoi nikani somoirango an·tangtangko rongtal an·tale rakkina nangani bidingo me·chikrangna mikrakataniko on·na gita ia salko manidilangaha.
Ia Menstrual Hygiene Day-ko manianio, Community Science College-ni B.Sc Community Science (2nd year)-o poraienggipa chatrirang, dingtangmancha an·tangtangko rongtal an·tale rakkiani bidingo, songni me·chikrangna dakmesokangaha.
Ia salko manianio program-ko ong·atdilgipa Dr Shipra Nagar aro college-ni chatrirang, me·chikrangni somoi nikani somoirango dakna nanggnirangko songni nokni me·chikrangna agan-talate on·angaha.

Get real time updates directly on your device, subscribe now.

Comments are closed.