PM Modi-ni internet gita a·songna aganprakanio Garo Hills-ba bakko ra·a

TURA: Azadi Ka Amrit Mahotsav-ko maniani bak gita Mongolbar salo, India a·songni Prime Minister Narendra Modi, ma·mong sorkarini scheme-rangko man·enggipa a·songni manderang baksa internet gita aganprakataha aro uni aganprakataniko Garo Hills-ni dambonga a·jarangoba, dingtangmancha tom·anirangko ong·ate nisotokaha.
A·songni Prime Minister Narendra Modi, Himachal Pradesh a·dokni Shimla songjinmaoni internet gita a·songni manderang baksa agangrikataha aro Garo Hills-ni dambonga a·jarangon dingtangmancha ma·mongni scheme-rangko man·enggipa manderangko okamchimongenba, Prime Minister-ni aganprakataniko nisoani ja·man, dingtangmancha manderangni neng·nikanirangkoba knatime ra·angaha.
Watchanggalako man·enggipa manderangna ia scheme-rangko sokate on·na, ia scheme-rangko ra·gatanichi manderangni man·enggipa namgnirangko ma·sie ra·na, ia scheme-rangko namdapatani cholrangko sandina aro 2047 bilsio India a·songni jakgitelaniko man·aoni bilsi 100 gapaniko manianio manderangni miksonganirangko ma·sie ra·na gita ia program-ko ong·atangaha.
Ia program-ko ong·atanio jinma tom·e chanchirimanggipa ma·mong sorkarini dingtang dingtang scheme-rangara, Pradhan Mantri Awaas Yojana (Grameen & Urban), Pradhan Mantri Kisan Samman Nidhi, Pradhan Mantri Ujjwala Yojana, Poshan Abhiyan, Pradhan Mantri Garib Kalyan Anna Yojana, Pradhan Mantri Mudra Yojana, Ayushman Bharat PM Jan Arogya Yojana, Jal Jeevan Mission, AMRUT aro gipinrang ong·a.

Get real time updates directly on your device, subscribe now.

Comments are closed.