Seed Ball Initiative-ko a·dokni Forest Minister a·bachengate on·anga

TURA: Meghalaya a·dok gimikon Environment Week-ko maniengani bak gita Budbar salo, a·dokni Forest & Environment Minister James PK Sangma, ‘Seed Ball Initiative aro GIS Based Natural Resources Management Boundary Mapping’-ko Tura-ni Edenbari-o donggipa Harding Theological College-o a·bachengate on·angaha.
Ia tom·anio, GHADC-ni CEM Albinush Marak, West Garo Hills a·jani Deputy Commissioner Swapnil Tembe, Chief Conservator of Forest PR Marak, MBMA, MBDA aro dingtang dingtang department-ni official-rang, dingtang dingtang skulni chatro chatrirang, skigiparang aro gipin dilgiparangba dongpae bak ra·angaha.
Ia Seed Ball Initiative-ko a·bachengate on·anganio a·dokni Forest Minister, jinmana aganprakangengon, iandakgipa program-rangko ong·atanichi samtangtango ong·telaigiparangni gimin manderangna mikrakatanirangko on·na man·a ine parakangenba, environment week-ko ong·atanio dingtang dingtang songrang, skulrang, college-rang, university-rang, sorkari department-rang aro dingtang dingtang dolrangba bakko ra·anggen ine talatangaha.
Ia 2022 bilsini Meghalaya Environment Week-ko maniani bak gita a·dok sorkari, dingtang dingtang skulrango aro a·dokni dam 46 C&RD Block-rangon ia Seed Ball Initivative-ko a·bachengatenga ineba Sangma parakataha.
Samtangtango donggipa buring bolgrimrangko aro pilak ong·telaigiparangko simsak nirokchina gitaba ua a·dokni manderangko didiangaha.
Ia program-ko ong·atanio a·dokni Forest Minister, dingtang dingtang skulni dilgiparangna, seed ball-rangkoba suale on·angjolaha.
Ia tom·anio dongpae jinmana aganprakanggipa gipin manderangara, GHADC-ni CEM Albinush Marak, Centre of Excellence-ni Director Dr Subhas Asutosh, Tura Public School-ni Anchita Roy, Casarina Public School-ni Ebriana Naomi Marak aro gipinrang ong·a.

Get real time updates directly on your device, subscribe now.

Comments are closed.