Fisheries-ni Union Minister of State, M’laya-ona re·baa

Na·tok jile man·aniko bariatchina manderangko didianga

SHILLONG: Fisheries Ministry-ni Union Minister of State Dr L Murugan, salgnina Meghalaya a·dokona re·baaha aro uni a·dokona re·baanio ua a·dokni dingtang dingtang biaprango na·tok jile cha·enggipa manderangko grongenba agan-ku·pattianirangko on·angaha.
A·dokona sokbaani ja·man ua skanggipa Ri Bhoi a·jani Umeit songo donggipa fish farm-ko nieaha aro ua biapo na·tok jile cha·enggiparangko grongenba, na·tokrangko bang·bate man·na gita rakbate kamrangko ka·china didiangaha. Na·tok jile cha·enggiparangna agan-ku·pattianirangko on·angengon, an·tangtangni kamrangchi gipinrangnaba janggi tangani cholrangko on·skachina Union Minister didiangaha.
Ia apsan salon ua, Ri Bhoi a·jani Mawpun Kshaid-o donggipa Meghalaya State Fisheries Research & Training Institute-onaba re·angaha aro uano na·tok jile cha·enggiparangna on·enggipa training program-o bakko ra·angpaaha.
Ia tom·anio ua ma·mong sorkarini ra·gatgipa Pradhan Mantri Matsya Sampada Yojana (PMMSY)-ni bidingo talataniko on·angenba, 2020-21 bilsioni 2024-25 bilsiona a·songni pilak a·dokrangon na·tok jile man·aniko tang·doatna ma·mong sorkari gong kror 20,050 tangkarangko chamaha ine parakataha.

Get real time updates directly on your device, subscribe now.

Comments are closed.