VDP-rangni dakna nanggni kamrangko talate on·a

TURA: Bristibar salo, Dalu jolo donggipa dingtang dingtang village defence party (VDP)-ni membor-rang baksa tom·aniko Dalu police station-o ong·atangenba, songko nokko nirokanio VDP-rangni dakna nanggni kamrangko Dalu-ni police official-rang, agan-talate on·angaha.
Ia sal somoirango me·chikrang aro bi·sarangni kosako ong·gija dakanirangba batroroengani gimin iandakgipa ong·sigipa kamrangko champengna man·na gita dingtangmancha VDP-ni membor-rangko nambate nirokchina didiangan baksana iandakgipa kamrangko champenganio VDP-rangni dakna nanggni kamrangko talate on·angaha.
Songtangtango chanchichipna kragipa manderangni re·ruraanirangko name nirikkichina aro iandakgipa manderangni bidingo ta·raken police-rangna kobor on·skachina gitaba police officer-rang, VDP membor-rangko didiangaha.

Get real time updates directly on your device, subscribe now.

Comments are closed.