State Watershed Development Agency-ni parakatgipa result-ko nipiltaichina AHAM, CM-ko mol·molata

SHILLONG: Meghalaya State Watershed Development Agency, Meghalaya Shillong-ni Field Engineer post-na recruit ka·gipani parakatgipa result-ko ra·gale nipiltaichina mol·mole A·chik Holistic Awakening movement, Chief Minister Conrad Sangma-na lekka seataha.
Chief Minister-na seatgipa chittio AHAM-ni president Georgeprince Ch. Momin indine janapataha, “Meghalaya sorkarini Meghalaya State Watershed and Wasteland Development Agency-ni parakatgipa result-o Meghalaya State Job Reservation Policy-ko ja·rikjaha. Field Engineer post-na ra·gipa sak 16 candidate-rango saksamangmang A·chik candidate dongaia, ian State Job Reservation Policy-ko ja·rikgijaniko parakata, ine NGO aganaha.
AHAM president-ni aganani gitade, jedakgipa project-ni kamna kragipa candidate-rangko ra·engon gimik post-rangon jolni candidate-rangko ra·na nanga unosa gimik dakgipa project-ni kamrang matchotna ba chu·sokna man·gen.
Indake organisation, department-ni parakatgipa result-ko ra·galchina dabiaha aro Meghalaya State Job Reservation Policy-ko ja·rike result-ko parakatchina mol·molaha.
Iarangna agreba result-ko parakatanio State Job Reservation Policy-ko ja·rikama ja·rikja iako nirokchina ba am·sandina dabiaha.

Get real time updates directly on your device, subscribe now.

Comments are closed.