M’laya Police-ni gita MLCU-ni chatro chatrirangna awareness program-ko ong·ata

SHILLONG: Bristibar salo, East Khasi Hills a·jani Police-rang, Martin Luther Christian University baksa nangrime, Drug Abuse ba pekatgipa samrangko jakkalani namgijani aro Illicit Trafficking ba mande badingsrukani bidingo chatro chatrirangna aro university-o kam ka·enggiparangna mikrakataniko on·na gita awareness program-ko ong·atangaha.
Ia program-ko ong·atanio East Khasi Hills a·jani IPS officer Swapnil Pawar, university-ni chatro chatrirangna aro kam ka·giparangna aganprakengon, Meghalaya a·doko pekatgipa samrangko altuaen man·engahani gimin aro pekatgipa samrangko jakkalgiparang bang·rorobaengahani gimin mikrakatanirangko on·angaha.
Chadamberangan iandakgipa samrangko jakkalbatgiparang aro altuae dilsretaniko man·giparang ong·a ine janapangengon, iandakgipa program-rangonikon university-ni chatro chatrirang skie ra·skaenba, an·tangtangni chadambeskarangna mikrakataniko on·skachina Pawar didiangaha.
Pekatgipa samrangko jakkalani aro manderangko palsrukanirang batroroengani a·selan a·doko gipin ong·gija dakgipa kamrangba batroroenga ine janapatengon, me·chik aro bi·sarangni kosako ong·gija dakanirangko champengna man·na gita MEG-CopWatch-Women safety app-ko jakkale, police-rangna u·iatchina Pawar didiangaha.
Ia program-ko ong·atanio chatro chatrirang, police officer-rang baksa agangrikanichi aro sing·e ra·anichi an·tangtangni ma·sie ra·na nanggipa kamrangni gimin ma·sie ra·na gita cholkoba man·aha.

Get real time updates directly on your device, subscribe now.

Comments are closed.