Cashewnut-ko ge·ani bidingo game ge·e cha·giparangna skie on·a

TURA: Game ge·e cha·enggiparangna cashewnut-ko ge·ani bidingo skie on·na gita Bristibar salo All India Coordinated Research Project (AICRP)-ni ning·o dingtangmancha salsani training program-ko West Garo Hills-ni ICAR-KVK aro Umiam-o donggipa ICAR-RC-ni gita KVK campus-o ong·atangaha.
Ia program-ko ong·atanio Umiam ICAR-ni Scientist Horticulture Dr HD Talang aro Tura KVK-ni ACTO Dr Tarun Kr Das, cashewnut-ko ge·ani bidingo game ge·e cha·giparangna agan-talate on·angaha.
Ia program-ko ong·atanio West Garo Hills a·jani dingtang dingtang biaprango cashewnut bagan dake cha·enggipa manderang bakko ra·angaha aro uamangna ia program-o Knapsack sprayer, foot sprayer aro tree pruner-rangko suale on·angjolaha.
Program matchotani ja·mano, game ge·e cha·enggiparang, KVK-ni cashewnut bagan-ona re·ange nie ra·na gita cholkoba man·aha.

Get real time updates directly on your device, subscribe now.

Comments are closed.