M’laya-ni mongma ramarangko wa·reng sale on·china Tura MP didia

NEW DELHI: Meghalaya a·dokni dingtang dingtang biaprango, manderangni dongchakgipa biaprangko aro manderangko mongmarangni chadrapanirangko nikna man·rongengani gimin mikkangchi iandakgipa a·selrangko komiatna gita Meghalaya a·doko donggipa pilak mongma ramarangko wa·reng sale on·china gita Tura-ni MP Agatha K Sangma, ma·mong sorkariko didiangaha.

Ia mongma ramarangkoa, dingtangmancha mongmarang cha·ani aro dongchakaniko sandianio Bangladesh aro India a·songni gisepo re·rurana man·na gita a·song damgnini simao kapenggipa fencing gita tarirongachim ine nikna man·a.

Meghalaya a·doko iandakgipa mongma ramarangko, South Garo Hills a·jao donggipa Balpakram National Park-oni Bangladesh a·songona re·rurana man·na gita Garo Hills-ni biap dambongao donna gita dingtangmancha proposal-ko on·manahachim.

Iani bidingo Tura-ni MP, Lok Sabha-o jinmana aganprakangengon, ia mongma ramarangkoa, mongmarangko jakgitele re·rurana on·anichi, manderang baksa chagronganiko champengna gita miksonge donaha ine parakataha.
Meghalaya a·doko baditaba dam mongma ramarang dongachim indiba ia mongma ramarangko da·onan damsakoba wa·reng sala dongkuja ineba Sangma parakataha.

Get real time updates directly on your device, subscribe now.

Comments are closed.