Don Bosco College-ni gita RTI-ni bidingo seminar-ko ong·ata

TURA: Right to Information (RTI) Act 2005-ni bidingo manderangna agan-talate on·aniko dakna gita adita salrangna skang, Tura Don Bosco College-ni ning·o donggipa Political Science Department-ni gita Seminar-ko ong·atangaha.

Ia seminar-ko ong·atanio Tura-ni ukil aro Don Bosco College-ni gitcham chatri Bernitha R Marak, mongsonggipa skigipa ong·e, manderangna RTI Act-ni gimin agan-talate on·angaha.

RTI Act-ni bidingo agan-talataniko on·angengon, maikai RTI-ko file ka·na gita nangachim, uani giminba ua seminar-o bak ra·giparangna talate on·angaha.

Iana skang, Don Bosco College-ni ning·o donggipa Political Science Department-ni Head Binendro N Marak, seminar-o bak ra·na re·bagiparangko aro seminar-o skie on·na re·bagiparangko rimchaksoangskaaha.

Ia program-ko ong·atanio Tura Don Bosco College-ni IQAC Coordinator Dr Barbara S Sangma-ba jinmana aganprakengon, an·tangtangni u·i-ma·sie ra·na nanganirangko sing·sandie ra·anichi mandeko dingtangatna man·a aro ia seminar-ko ong·ataniara bak ra·gipa manderangna RTI-ni gimin talbatataniko ra·bagnok ine parakangaha.

Ia program-o Tura Don Bosco College-ni Principal Fr Bivan Rodriques Mukhim-ba dongpae bakko ra·angaha.

Get real time updates directly on your device, subscribe now.

Comments are closed.