SHILLONG: Meghalaya-ni, East Khasi Hills district-o donggipa, Mawlynnong, “Best Eco Tourism Destination”-na silver award-ko man·aha.
Indake, Mawlynnong A sia-o donggipa a·song gimikoni rongtalbatsranggipa song ine chanako man·gipa ong·a.
Award-ko, Meghalaya sorkarini palo re·anggipa, “Outlook Traveller Awards function – 2022”, New Delhi-o ra·chakangaha.
Songregipa manderangna nambatgipa biap aro dongtoanirangko on·gipa song aro biaprangna, Outlook Traveller Award-rangko pangnan on·rongenga.
Indake, award man·giparangko kamtangko changgipa sapgipa aro sorkarina kam ka·giparang baseaha.
Award-rangko, tourism and culture and development of Northeastern region-ni, Union Minister, G Kishan Reddy on·angaha.
