Tura-o World Food Day-ko manianga

TURA: Central Agricultural University (CAU)-ni ning·o donggipa College of Community Scienc-ni Food Science & Nutrition department-ni gita Sombar salo World Food Day-ko maniangaha aro ia World Food Day-ko manianio NESFAS-ni Senior Associate (Nutrition Unit) Chenxiang Rimchi N Marak, agan-talate on·anirangko dakangaha.
Ia program-ko ong·atanio Marak, jinmana aganprakengon, Tribal-rangni cha·a ringanirangni gimin aganangenba, jatni u·i-ma·sianirangko ripinge rakkichina aro buringo man·gipa cha·anirangko ma·sie donchina manderangko didiangaha.
Bi·sarangni dal·roroanina aro me·chikrango an·chi chu·onggijaniko namatna gita joltango man·gipa cha·anirangko, mongsongbate tangsekgipa me·su samjakrangko cha·china gitaba ua chatro chatrirangko didiangaha.
Meghalaya a·doko aro dingtang dingtang biaprango NESFAS-ni ka·enggipa kamrangni giminba ia tom·anio ua agan-talate on·angaha.
Ia program-ko ong·atanio dongpae jinmana aganprakanggipa gipin manderangara, College of Community Science-ni Dean, Dr Jyoti V Vastrad aro College of Community Science-ni Professor Dr Natasha R Marak ong·a.