Monday, December 4, 2023

Meghalaya-o bilsi dambeo bia ka·ani batenga

Date:

Share post:

New Delhi: Salgro-salaram a·jolni Meghalaya aro gipin jolrango cha·a-ringa chu·ongjae ba bi vitamin komie dal·drona aro be·en-bimang jrima komi-gipa bi·sarang dongani report-ko man·a ja·man salgro-salaram jolo bilsi chu·sokgija bia ka·ani aro bilsi dambeon an·o dongani obostarang bataniko nikna man·aha.
Cha·a-ringa chu·ongjae be·en-bimang bilgria aro bilsi dambeoni bia ka·aniara nangdimgrika. Cha·ani chu·ongjae sabisi man·ani-ara, bilsi dambeoni bia ka·a aro bilsi chu·sokgijaon an·o dongani gimin ong·a ine Observeres Research Organisation Foundation, uamangni am·sandiao NFHS aganaha.
Iandakgipa obostarang be·en-bimang-ni an·seng-baljokanio, education aro employment-o nangchaka.
National Family Health Survey (NFHS) 5 data-ko niaton, bilsi dambeo bia ka·anio komianggenchimo-ba bilsi dambeo an·o dong-engani obosta batskaenga, jeni a·sel bi·sa an·pakani somoio neng·nikarang nakata. Tripura aro Assam a·dokrango bilsi dambeo bia ka·ani aro bi·sa an·pakani obostarangko bang·en nikna man·a.
Tripura, Assam, Manipur a·dokrangna agreba Meghalaya-oba bilsi 18 gapkugijagipa bilsi dambe me·chikrangni an·o dongani obostako bang·en nikna man·aha. Iarangna agreba Meghalaya-o bilsi dambeon bia ka·aniko niatgenchimode 16.3 percent ong·a. Salgro-salaram-ni Nagaland, Sikkim aro Mizoram a·dokrangna ba-tenga.  Bilsi 18 gapgija ba una komigiparang bia ka·on bilsi dambeo bia ka·a ine agana.
Am·sandiao nikna man·ani gita, je bi·sarangan bilsi dambe ma·gipaoni atchia, ua bi·sarang 10 percent bate be·en-bimang an·seng-baljoka komia.
Uandake NFHS-5 data-o parakani gita, North Eastern a·dokrango iron aro folic acid (IFA) supplementation-ko sal 180-na an·o donggipa me·chikrang ra·a. Sikkim-31.5 percent aro Nagaland-4.1 percent.
Iarangna agreba bi·sana ma·ani sok kannako niat-genchimode, damchet a·dokrangoni damdok a·dokrango namen komia. Sikkim-o komiata 28.3 percent onga.  Meghalaya-o 78.8 percent batskaa.
An·o dongmitingo aro bi·sa an·pakani somoio antenatal care (ANC) clinic-ona re·ani bewal, be·en-bimangko an·seng-baljoke rakkianio dakchaka. Damchet a·dokrangoni dambri a·dokrangsan- Assam, Manipur, Meghalaya aro Nagaland-o ANC service-ko ra·anio barianiko nikna man·aha. Manipur 79.4%  bata.

Related articles

Meghalaya Signbank Mobile App gets coveted tech award

  Shillong, Dec 4: Meghalaya Signbank Mobile App of the Office of the Commissioner for Persons with Disabilities, won...

Guwahati Masters badminton: Unnati Hooda confident good show will take her into top-50

Guwahati, Dec 4: International badminton is returning to Assam capital after a gap of 17 years and rising...

Railway projects: NFR GM calls on Nagaland CM

Guwahati, Dec 4: Northeast Frontier Railway (NFR) general manager Chetan Kumar Shrivastava called on Nagaland chief minister Neiphiu...

Prepare plan for utilising barren land, Assam Guv tells dept

    Guwahati, Dec 4: Assam Governor Gulab Chand Kataria has asked the soil conservation department to prepare a blueprint...