Mukroh-o a·sel ong·aniko NIA-chi sandirokatchina UDP dabia

SHILLONG: Mongolbar pringo, West Jaintia Hills a·jani Mukroh songo, Assam police-rangni skatang goanichi Meghalaya a·dokni sakbonga manderang janggitangtangko gimaatna nangahani gimin, ia a·selko National Investigation Agency (NIA)-chi sandirokchina gita United Democratic Party (UDP) dabiangaha.
Mongolbar salo, UDP-ni state election committee-ni tom·aniko ong·atanio UDP-ni MLA-rang baksa chanchirimanio iako UDP-ni president Metbah Lyngdoh parakataha.
Mukroh songo ong·anggipa a·selko jegalatengon, iani bidingo rakgipa ja·kurangko de·china aro ia a·selni bidingo NIA-chi sandirokatchina gita UDP-ni president aro Assembly-ni Speaker Metbah Lyngdoh, a·dokni Chief Minister Conrad Sangma-ko didiataha.
“West Jaintia Hills a·jani Mukroh songo ong·anggipa a·selni bidingo rakbatsranggipa ja·kuko de·china anga a·dok sorkariko aro mongsongbate a·dokni Chief Minister-ko didienga. Ia a·selni bidingo NIA-chi sandirokatchinaba anga didienga,” ine Lyngdoh parakataha.
Indake ong·engon, Mukroh songo ia a·sel ong·ahani gimin re·baenggipa 2023 bilsini Assembly election-na skanggipa candidate-rangni bimingko parakna miksonganikoba UDP-ni dilgiparang dontongatchengaha.
UDP president-ni u·iatani gitade, ia a·sel ong·gipa Mukroh songara Mookaiaw constituency-ni ning·o ga·akgipa song ong·a aro ia constituency-o UDP-ni Nujorki Sungoh-an MLA ong·engani gimin 2023 bilsini election-na UDP-ni skanggipa candidate list parakaniko dontongatchengaha.

Get real time updates directly on your device, subscribe now.

Comments are closed.