Tuesday, December 5, 2023

An·tangko rim·gittanga ine tol·gipa chadambe baksana gipin sakgniko EGH police rim·a

Date:

Share post:

TURA: Gong lak 25 tangkarangna an·tangko rim·gittangaha ine an·tangni ma·a paana tol·gipa chadambe saksako aro gipin sakgni manderangko East Garo Hills a·jani police-rang rim·na man·aha.
Police-rangni u·iatani gitade, Assam Goalpara a·jao donggipa Krishnai joloni bilsi 22 ong·gipa Azad Ali, re·anggipa November 18 tariko, East Garo Hills a·jani Songsak Dagal-ona re·angengmiting somoio rim·gittangako man·aha ine gimachipahachim.
Ia chadambeni gimaani ja·man, uni mobile phone-onin uni pagipana phone ka·ate, uko watpilna gita gong lak 25 tangkarangko on·china dabiatahachim.
Iani bidingo koborko man·soani ja·mano ia chadambeni pagipa, East Garo Hills a·jani police-rangna u·iataha aro bakan police-rang, ia chadambeko aro uni rim·gittanggipa manderangko sandina a·bachengataha.
Ia a·selni bidingo police-rang, name sandirokanirangko dakon, ia chadambe, gipin manderang baksa an·tangko rim·gittanga ine tol·e pagipaoniko tangka dabiahachim ine ma·siskana man·aha.
Uandaken, November-ni 22 tariko East Garo Hills a·jani police-rang, North Garo Hills police-rangni dakchakanichi North Garo Hills a·jao donggipa Bolchuma songoniko mande sakgniko rim·na man·aha.
Rim·gittangako man·aha ine tol·gipa chadambe Azad Ali-ba Dudhnoi jolon dongnue dongenga ine ma·sina man·ani ja·man East Garo Hills a·jani police-rang bakan Dudhnoi-ona re·ange ia mandeko rim·na man·aha ine police officer-rang parakataha.

Related articles

Meghalaya Speaker inspects new Assembly building at Mawdiangdiang

Shillong, Dec 5:  The Speaker of the Meghalaya Legislative Assembly, Thomas A Sangma, conducted an inspection and chaired...

3rd Meghalaya Games will be confluence of modern, traditional games

Shillong, Dec 5: The third edition of the Meghalaya Games in Tura will be unlike the first two...

‘Recovering addicts require empathy to get out of the tunnel’

Shillong, Dec 5: "If Alexander the Great and Hitler could not achieve anything by brute force, how can...

Highest use of tobacco amongst school children in Meghalaya

  Shillong, Dec 5: The use of tobacco is highest at 96.4 percent among school children in Meghalaya, followed...