SGH KVK-ni gita training program-rangko ong·ata

TURA: AICRP-ni NEH bakni ning·o dingtangmancha Quality Seed Production-ni bidingo Training Program-ko South Garo Hills Krishi Vigyan Kendra (KVK)-ni gita re·anggipa November 29 tarikoni December 2 tarikona, South Garo Hills a·jani Karukol, Daji Badima, Jetra aro Asugre songrango ong·atangaha.
Ia training program-rangko ong·atanio ia song dambrioni gimin sak 200-mangni gita game ge·e cha·giparang bakko ra·angtokaha aro ia program-o dingtangmancha game ge·e cha·giparangna bija jilani bakos aro sam satani bosturangkoba suale on·angjolaha.
Ia training program-rangko ong·atanio game ge·e cha·giparangna agan-talate on·anggipa manderangara, South Garo Hills KVK-ni Senior Scientist aro Head Dr Athokpam Haribhushan, Subject Matter Specialist (Agronomy) Rike Chelchak A Sangma aro sakgipin Subject Matter Specialist (Plant Protection) Dr Tanya R Marak ong·a.

Get real time updates directly on your device, subscribe now.

Comments are closed.