SILDUBI: Kamtangko wate ia chang Assembly election-o Rambrai-Jyrngam constituency-oni Independent candidate ong·e susaenggipa gitcham block elementary education officer Reminton G Momin, joltango namroro silroroaniko ra·bana ku·rachakaniko on·angaha.
Mongolbar salo, West Khasi Hills a·jani Rambrai-Jyrngam constituency-ni ning·o donggipa Sildubi kal·chakramo, jinma tom·bimonganiko ong·atanio ua jinmana aganprakengon, ua constituency-ni ning·o mamingni gitan namroro silroroani dongjaengako nikesa ua joltangni manderangna dingtanganiko ra·bana aro jolo namroro silroroaniko ra·bana gita kamtangko wate ia election-o susana manchiaha ine Independent candidate Remington Momin parakataha.
“Angni sorkari kamko ka·anio bilsichetna baten angna somoirang dongkuengachim indiba jolo songdongenggipa manderangni dabianiko man·esa anga kamtangko wataha. Re·baenggipa sal somoirango manderangni namgnina dangdike on·na gita Nokgipa Isolan angko dilgen aro anga Nokgipa Isolni mesoke on·gipa ramakosan re·gen,” ine Momin parakataha.
Da·o Rambrai-Jyrngam constituency-ni MLA ong·enggipani gimin janapatengon, ua darangkoba matnangna skani dongja indiba ia election-o manderangan uni kamni kri una raiko on·gen ine Momin parakataha.
“Jolni manderang uni kamrangko nikmanaha aro nangani kri manderangsa una raiko on·gen,” ine ua aganaha.
Kamtangko watgipa Education official saksa joltangna kamko ka·na ku·rachaka
Date:
Share post:
