TURA: Dalu constituency-o Independent candidate ong·e susaskana sienggipa Sarbha R Marak-na All India Trinamool Congress (AITC)-ni tikitko on·jahani gimin AITC Dalu Block aro Mahila committee-ni adita sak dilgiparang, kamtangtangko wate AITC-oni ong·katgrimaha.
Ia chang Assembly election-o Dalu constituency-oni susana gita Sarbha Marak, AITC-ni tikitna dorgasto galahachim indiba Dalu constituency-na AITC-ni tikitko Sengkal A Sangma-na on·skaahachim ine nikna man·a.
Indake ong·engon, Marak-na AITC-ni tikitko on·jahani gimin re·anggipa Budbar salo, AITC-na kam ka·enggipa manderang, Marak-ni noko tom·aniko ong·atangenba, ia election-o una kamko ka·na gita AITC-oni ong·katgrimtokaha.
Ia election-o Dalu constituency-oni Independent candidate ong·e susaenggipa Sarbha Marak-na chakpae AITC-oni ong·katanggipa mitam dilgiparangara, Dalu Block Trinamool Congress Committee-ni secretary Asith G Marak, joint secretary Anseng Marak, vice president Holland R Sangma, chief organising secretary Jimbath Ch Marak, Mahila committee-ni vice president Merijina M Marak aro gipinrang ong·a.
Ia chang Assembly election-o Dalu constituency-oni Independent candidate ong·e susaenggipa Sarbha Marak, 2021 bilsini GHADC election-oba Barengapara constituency-oni Congress tikitchi susaahachim indiba ua chu·sokgipa ong·na man·jahachim ine nikna man·a.
Dalu-o Independent candidate-na chake AITC-ni adita dilgiparang ong·katgrima
Date:
Share post:
