M’laya-ona Political Analyst-rangni napbaani: Ong·gija dakmesokani, noksarangko salani aro jatni dakbewalrangko golmal ka·ani

SHILLONG: Batanggimin bilsisarangni gita, gipin a·dokoni re·bagipa political analyst-rang  Meghalaya-ni manderangna social media-o dingtang dingtang jingjengatanirangko on·aha ine nikna gita man·enga. Facebook profile-rangko tarie sasono ong·engippa political party-ni dilgiparangko chonnik-onnike roanirangko dakaha, Meghalaya-ni jillarang aro songrangni pakmarango dilgiparangni noksarangko salanirangko nikna man·aha. Uamang inditan political campaign-rangko dakaha, AITC-ni tom·anirangona Assam-oniko bang·a manderangko rimbaaha aro social media-o NPP-ni dilgiparangni noksarangko bang·en sale gatataha. Iako dakanichi AITC an·tangtangna ramako tariaha aro iarangko bang·bate dakna didianiko man·aha aro ian AITC-ni gualani ong·naba gnang.

Da·o, poll campaign-ko chu·gimik IPAC chalaienga gita nika. AITC-ni dilgipa Pa Charles Pyngrope jadokrangna skang IPAC-ni Congress-na ba TMC-na a·songo kam ka·aniko kusi ong·nikgijaniko parakatahachim aro IPAC TMC-na kam ka·engahani gimin Congress-ko basena man·ja ineba aganahachim. Ia agananian Meghalaya-ni TMC-ni IPAC aro uni dakgrikdilenggiparango pangchakaniko parakatani ong·a. Ia pangchakanian TMC-na dam rakbee gamani ong·enga gita nika. Ia analyst-rang Meghalaya-ni sasonni dakbewalko nie ra·chengjaha. Uamangni jatni dakbewalko u·igija ba u·ieba gamchate ra·gija an·tangtangna a·damko tarina dakgiparang ong·a.

Meghalaya-o election-na skang dilgiparangni wenaniko pangnan name dakronga. Wal·timo asongduule dilgipa an·tangni miksonganirangko agananirangan dakrongbewal ong·a. Indiba ia bilsio gam·chakanirang bataha. TMC-ni jandarangko Meghalaya gimiko songe samtangtangna nidik-nisi dakaniko ra·baenga aro ian an·chingni nitogipa Meghalaya-o ong·ronggija nikanirang ong·a.

Iani biterangko da·o nikna a·bachengengaha. Adita salrangna skang, Pynursla-o Trinamool Congress-ni sak 26 memberrang TMC-ni kam ka·anirangna kusi ong·nikjae party-ko wate National People’s Party (NPP)-ni chadambe dol- National People’s Youth Front (NPYF)-o bakko ra·eaha. TMC-ni chadambe dolni president Wanshwa Nongrum jean an·tangni kamko watahachim, uamang TMC baksa December 2021-oni bakrimahachim indiba salrang re·angon Pynursla Constituency-o kam ka·anirangko chu·onge nikja ine aganaha. “Partyni kam ka·ani namen ka·sinaniko nikaha. Chingko jakgitele kam ka·na gita bilko on·ja, ” ine Nongrum aganaha. Uni aganani gitade, IPAC dolrang jerangan TMC-na kam ka·engachim, uamang partyna kam ka·giparangko an·tangtangni dilgipa ine ra·gija an·tangtangko ja·rikgiparang gitasa ra·a.

“An·chingni a·dok nitogipa ong·a, aro uni manderang tom·tome janggi tangna namnikgiparang ong·a aro opposition political partyni dilgiparangko ong·gija dakmesokani aro ong·gija dake mesokanio bak ra·na sikgiparang ong·ja. Meghalaya-o making saloba poll-ni somoio an·chi-pari nikani dongkuja aro an·chingni pakmarangko political campaign-rangni rongrangchi noksarangko salanirangko nikkuja. Adita salrangna skang, angni ripeng saksa angna ge·sa noksa tarigiminko watataha jekon ia political strategist-rang social media-o gatatahachim, jeon an·chingni skotong minister-ko aro uni jikgipako namen ong·gija dake noksako salaha. Iandakgipa kamrang politics-ni kam ong·ja aro an·chingni biapni dakbewal baksa melija. Indiba AITC-ni dilgipani adita salrangna skang saksa AITC-ni dilgipani an·tangni social media-o Prime Minister-ko chonnikgipao Khasi-rangni ganding-chindingni bidingo ka·dingani kattako gatataniko nike mamung aiao inmanani ong·ja. Ia dakbewal uamangni kakket ong·gijani aro mande ra·gijaniko mesoka. Anga ka·donga biaptangni TMC dilgiparang ia seokgimin strategist-rangni gimin chingni chanchia gitan chanchigen, aro uamangko Bengalo gitan apsan dakgipa niamrangko on·gen jeon IPAC campaignrangki dakdilenga,” ine NPP-ni dilgipa Dr Ampareen Lyngdoh parakataha.

Get real time updates directly on your device, subscribe now.

Comments are closed.