SHILLONG: Meghalaya a·doko niam gri koela badinganiko aro salruraaniko champengna man·jaengani gimin Sukrobar salo, Trinamool Congress (TMC), Meghalaya sorkari aro Meghalaya Police-ko matnangataha.
Meghalaya a·doko niam gri koela bikotaniko aro salruraaniko nirikkina gita central armed police force (CAPF)-rangko a·doko donatchina gita adita salrangna skang High Court-ni hukum on·gipani bidingo janapatengon, high court-ni ge·etaniko on·aniara, a·dok sorkari aro police-rang kamtangtangko name ka·jaenga ine mesokanisa ong·aha ine TMC-ni MP Derek O’Brien aro TMC-ni state president Charles Pyngrope parakataha.
Meghalaya a·doko TMC sorkariko rikahaon, NPP-chi dilgipa MDA sorkarini pilak ong·gija dakgipa kamrangko sandie nanga gita ja·kurangko de·anggen ineba TMC-ni dilgiparang parakataha.
Meghalaya a·doko niam gri koela bikotaniko aro salruraaniko champengatahaoba a·dokni dingtang dingtang koela a·damrango niam gri koela bikotaniko aro salruraanirangko nikna man·engkuachim.
Niam gri koela badinganiko champengna man·jaengani gimin TMC matnanga
Date:
Share post:
