Tuesday, February 11, 2025
spot_img

A·dok gimikon NPP-na balwa balengani gimin election-o chena ka·dongenga: Conrad

Date:

Share post:

spot_img
spot_img

SHILLONG: Garo Hills-osan ong·aigija Meghalaya a·dokni pilak biaprangon National People’s Party (NPP)-na balwa balengani gimin ia Assembly election-o chegipa ong·na ka·dongenga ine Sombar salo, NPP-ni national president aro a·dokni Chief Minister Conrad K Sangma, South Tura constituency-ni Walbakgre polling station-o pu·onani ja·man, kobor ra·timgiparangna parakataha.
Adita salrangna skang, a·songni Prime Minister Narendra Modi-ni Tura-ona re·bae manderangna aganprakangani somoio hajal kotok manderangni re·bae BJP-na chakpaaniko on·ahani gimin sing·on, a·songni Prime Minister a·dokona re·baa ong·ode bang·a manderangan uni aganprakaniko knana re·batelaigen aro ian ong·rongbewalsan ong·aia indiba election-ni result-kode joltangni manderangsa rai on·gen aro ian constituency-ni gadangosa ong·aigen ine Sangma parakataha.
Ia Assembly election-oba BJP, bang·bata seat-rangkon chena man·taijawa ineba ua an·tangni chanchianiko aganaha.
Sangma-ni aganani gitade, Trinamool Congress (TMC)-ba a·doko ja·dil su·na gita somoirangko nangkugen aro iandake vote-rangni pripraaniara ia election-o NPP-na namgni ong·skagen.
Election-na campaign ka·angani somoio NPP-ni kosako BJP-ni dilgiparang, chong·motan a·songni Prime Minister Narendra Modi aro Union Home Minister Amit Shah-ni matnange agananggipani gimin sing·skaon, election-ode pangnan political dolrang, doltangtangni gitasa susaengani gimin matnanggrikanide dongaia ine NPP-ni national president parakataha.
“Chinga pangnan election-o an·tangtangni gitasa susaronga aro election-na campaign ka·ani somoirango dolsa dolgipinni kosako matnanggrikaniara maming gital katta dongja,” ine ua aganaha.
Election-o bang·a manderangni pu·onna re·batokahani giminba a·dokni Chief Minister aro NPP-ni national president, kusi ong·aniko parakataha.

spot_img
spot_img

Related articles

Trump suspends US Foreign Corruption Act; Adani Group stocks surge

Washington, Feb 11: After US President Donald Trump signed an executive order to halt the enforcement of a...

Aero India 2025: Adani Defence, DRDO unveil Vehicle-Mounted Counter-Drone System

Bengaluru, Feb 11: Adani Defence & Aerospace, in collaboration with the Defence Research and Development Organisation (DRDO), on...

Study shows potassium-enriched salt can reduce recurrent stroke risk

New Delhi, Feb 11: Potassium supplements in salt can significantly reduce the risks of stroke recurrence as well...

India, France stress on synergy at AI Roundtable on sidelines of summit

Paris, Feb 11: The second India-France AI Policy Roundtable held on the sidelines of AI Action Summit 2025...