Tura: Election-ni somoio kam ka·na ku·rachakako chu·sokatna jotton ka·enganio a·dokni Chief Minister Conrad K Sangma, a·dokni manderangna welfare scheme-rangko parakate on·angaha. Mijaomangmang matchotanggipa election-o je kamrangko ka·na sorkari, ku·rachakahachim, uarangko chu·sokatna adita ming scheme-rangko parakataha. Mongsongbate agriculture ba ge·a-gamani, environment, aro a·dokko tang·doatna miksonganio scheme-ko ra·baaha. Tom·anio Agriculture & Farmers’ Welfare Department-ni Minister Dr. Ampareen Lyngdoh, Joint Secretary Shri Gunanka D.B., IFS, Shri Jagdish Chelani, IAS aro Dr. Subhash Ashutosh- uamangba bak ra·angaha.
Tura-o agricultural community ba ge·e game cha·giparangna PRIME Agriculture Response Vehicles-ko pakwate on·aha. Chief Minister, Jangrapara IVCS Ltd, Chichang IVCS Ltd, Haripur Farmers’ Society, Dondime Multipurpose Co-operative Society, Pangchakrik Multipurpose Co-operative Society Ltd-ko man·gope dol 10 farmer organisation-na Agri-Response vehicle-ni chabi-ko suale on·angaha.
Payment for Ecosystem Scheme (PES)-ko buring-bolgrimko ripingna parakataha. Ia project-ko chu·sokatna 30.282,316 tangkako chamaha. West Garo Hills-o dam 16 songrangna 88,87, 600 tangkako on·aha. Apsan daken East Garo Hills-ni dam 15 songrangna – 98,38,986; South Garo Hills-ni dam 15 songrangna – 46,98,090; North Garo Hills-ni dam 14 songrangna – 68,58,650 tangkako tikataha.
Indake Tura-o tom·anio jinma manderangna aganprakatmitingo Chief Minister Conrad, “sorkarini a·dokko tang·doatna ja·ku de·anirangni gimin parakataha.
Agriculture and Farmers’ Welfare Department-ni Minister Dr. Ampareen Lyngdoh-ba Meghalaya -ni manderangna bang·a welfare scheme-rangko parakatanina kusi ong·ako parakangaha.
Iarangni gisepon Shri Conrad Sangma, HSSLC aro SSLC porikkao nambate pass ka·gipa sak 9 student-rangko mande ra·angaha.
