SHILLONG: A·dok sorkari, Higher Secondary level-na CBSE course pattern-ko ra·galna miksongenga aro mikkang academic session-oni ia course-ko a·bachengna chanchienga.
Education Minister Rakkam A Sangma, iani gimin koborna u·iataha aro ia mamlako name dake chanchie mikkang bilsi ba next academic session-oni ra·gatna miksongenga ine parakataha.
Sorkari, dingtang dingtang subject-rang jekai- Maths aro Science-rango CBSE-ni pattern-ko ra·gataha, mikkangchi CBSE-ni course-ko ra·gatna miksongenga, indiba ia mamlao name dake chanchibewalaniko dakenga ineba Minister, u·iataha.
“Iani bidingo maming ong·gija kattako gipatani dongja. A·songni gipin bakrango gitan an·chingni a·dokni education-ni gadangko ra·dona CBSE pattern-ko ra·gatenga, ine Minister agantalataha.”
