TURA: Re·anggipa jao, Tura-ni Mini Secretariat-o so·sojengjeng ong·ani bidingo Police-rangni inquiry dakanio West Garo Hills police-rangni kamo chu·sokgijaniko parakaha.Ia a·selni bidingo Police inquiry baksana Magisterial inquiry-ko dakna gita sorkari ge·etahachim aro Police-rangni inquiry-ko Inspector General of Police (Law & Order) MK Singh-ni dilanichi sakdok police official-rang dakahachim.Police-rangni inquiry report-ko bakan Meghalaya a·dokni Director General of Police (DGP) Lajja Ram Bishnoi-na pakwate on·anggnok.Kobor on·timgiparangni u·iatani gitade, ua salo so·sojengjeng ong·ani cholrang donga aro Chief Minister-ni janggina kenchakna nanganirang dongnaba gnang ine intelligence report-ko man·soaha Tura-ni police-rang, maming chel·chaksamsoanirangko dakjahachim aro Chief Minister-ko ua salo, manderangni jingjengatenggipa biapona re·angna on·aiahachim.Tura-ko Winter Capital songchina aro Reservation roster-ko backlog police gnang ra·gatchina dabienggipani bidingo a·dokni Chief Minister Conrad K Sangma, re·anggipa July-ni 24 tariko, Tura-ni Mini Secretariat-o ACHIK, GSMC aro uandakgipa dolni dilgiparang baksa agangrikengmiting somoio rang·san a·palo dongenggipa manderang, ro·ongrangko goe so·sojengjeng ong·atna a·bachengahachim.Ia a·sel ong·anichi sak 18 police-rang saknaanirangko man·na nangaha aro komibeoba bol 21 garirang nosto ka·ako man·ahachim.Ia so·sojengjeng ong·atanio jak donganina police-rang, da·o dipet gimik sak 50 manderangko rim·aha aro rim·a man·gipa manderangoni bang·batakon police-rang, BJP aro Trinamool Congress (TMC)-ni membor-rang ine matnangahachim.Ia a·selni bidingo magisterial inquiry dakanikode da·o dipet matchotskakujaengachim.
Tura-o so·sojengjeng ong·aniko inquiry dakanio WGH police-ni chu·sokgijaniko paraka
Date:
Share post:
